Ramiz Lladrovci reagon pas largimit të vëllait të tij nga PDK

Kryetari i Komunës së Drenasit, Ramiz Lladrovci ka reaguar pas largimit të vëllait të tij nga Partia Demokratike e Kosovës.

Lladrovci ka shkruar në rrjetin e tij social në Facebook se e respekton secilin vendim që merr vëllai i tij, i cili sipas tij ka një të kaluar të bujshme.

“Ai gëzon të drejtën e patjetërsueshme për të pasur qëndrime personale politike, ndërsa unë mbetem shumë krenar me veprimtarin e tij kombëtare dhe politike dhe politike”, ka shkruar ai.

Reagimi i tij i plotë:

Vëllau im, Emriu, ka qenë ushtar në Njësinë speciale të Brigadës 111 të UÇK-së – Adem Jashari. Ai iu bashkua zjarrit të luftës në moshën shtatëmbëdhjetë vjeçare dhe nuk u largua asnjëherë nga betejat, pavarësisht plagëve në kokë e në gjoks. Për më shumë, ka qenë dy herë asamblist në asamblenë komunale dhe ka dhënë kontribut të jashtëzakonshëm në shërbim të Partisë Demokratike të Kosovës. Ai gëzon të drejtën e patjetërsueshme për të pasur qëndrime personale politike, ndërsa unë mbetem shumë krenar me veprimtarin e tij kombëtare dhe politike dhe politike.

Reklama