Rama nis punën për ndryshimin e rregullores së “Prishtina Parking”

Kryetari i komunës së Prishtinës, Përparim Rama, ka nisur punën për ndryshimin e rregullores së “Prishtina Parking”.

Këtë e ka bërë të ditur vet kryetari.

Ai ka shpërndarë një fotografi ku shihet se ka mbledhur ekipin punues për plotësimin dhe ndryshimin e rregullores së kësaj kompanie.

Ndryshe, nga janari i vitit 2021, në Prishtinë pati nisur zbatimi i projektit të menaxhimit të parkingjeve publike dhe pagesa për çdo makinë në hapësirat të cilat janë të shënjuara në rrugë.

Që nga koha kur edhe nisi punën “Prishtina Parking”, qytetarët vetëm se patën ankesa në numër të madh në kuadër të Komunës së Prishtinës.

Por siç duket, ky problem pritet të zgjidhet shumë shpejt.