sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Ndërkombëtare

    Rama: Nacionalizmat në BE po e ndërlikojnë rrugëtimin tonë evropian

    05/07/2021 18:26
    Share
    Facebook Twitter WhatsApp

    Kryeministri i Shqipërisë Edi Rama ka shprehur pakënaqësinë e tij me procesin e anëtarësimit të vendeve të Ballkanit Perëndimor në BE, duke akuzuar siç u shpreh ai, nacionalizmat e BE-së, të cilët sipas tij, po e ndërlikojnë rrugëtimin evropian.

    Ai gjatë një konference virtuale me kryeministrat e tjerë të vendeve të Ballkanit Perëndimor, ka kritikuar BE-në se po e zbeh procesin e anëtarësimit të rajonit në familjen e madhe evropiane

    “Mendoj që procesi që niset ka qenë shumë i rëndësishëm për të mbajtur gjallë atë që atë që BE-ja po e shuan, flakën e shpresës tek e ardhmja, thënë këtë, mendoj se është shumë e rëndësishme që ne të kemi më shumë autorësi në proces aq sa është e rëndësishme që të kombinohet me përpjekjet e shtuara të Komisionit mbështetur në planin e ri ekonomik dhe të investimeve. Sigurisht, është e trishtuar dhe të gjithë e dinë që ndërkohë procesi i integrimit evropian të rajonit, që dikur shihej dhe tregohej si rruga e duhur për të nënshtruar nacionalizmat ballkanikë tani është shndërruar në një proces që shtypet nga nacionalizmat e BE-së. Nacionalizmat në BE po e ndërlikojnë rrugëtimin tonë evropian dhe po luajnë shumë rolin e kundërt me të”, tha Rama.

    Për më tepër, kryeministri Rama ka dhënë detaje edhe nga biseda e tij me kancelaren gjermane Angela Merkel lidhur me procesin e anëtarësimit në BE.

    “Dua të theksoj atë që pata shansin të ndaja direkt me kancelaren se është e rëndësishme që të ecim shpejt dhe duhet të shmangim kurthin që të bëhemi karikaturë e BE-së dhe që të bëhemi viktima të vetove të ndërsjella apo të nevojës për konsensus. Kjo nënkupton, tashmë objektivat i kemi shumë të qarta. Ajo që Ursula tha tash është një pamje e qartë të asaj që kërkon, veprim të tregut të përbashkët, planin ekonomik dhe të veprimeve dhe zbatim sa më të të plotë të katër lirive të Evropës. Shqipëria është shumë e bindur dhe do të inkurajoj sa më shumë për të shpejtuar dhe nuk do të shohim një konsensus me çdo kusht për çdo gjë. Do të kërkojmë gjithëpërfshirje të plotë në proces me të gjithë që kërkojnë për ta përshpejtuar këtë proces”, tha Rama.

    Kryeministri Rama ka folur edhe rreth takimit të fundit të përbashkët me kryeministrin e Maqedonisë Veriore Zoran Zaev dhe presidentin e Serbisë Aleksandar Vuçiq, në të cilin shprehën dëshirën që liria e lëvizjes së njerëzve, mallrave, shërbimeve dhe kapitalit të fillojë sa më shpejt në Ballkan.

    “Me Serbinë dhe Maqedoninë Veriore dua ta bëj shumë të qartë, nuk kemi vendosur të ndajmë ndonjë gjë, nuk kemi vendosur të ndajmë askënd, por thjesht kemi vendosur të ecim sa më shumë që të jetë e mundur, duke përsëritur se të gjithë janë të mirëseardhur, por duke deklaruar se nuk do të presim asnjërin përherë. Objektivat dhe rruga janë të qarta. Na takon neve që të ecim sa më shumë që të jetë e mundur, duke shpresuar se nga ana e BE-së edhe ata do të shtyjnë përpara sa më shumë që të jetë e mundur. Dhe këtu më duhet të them se komisioni, presidentja e Komisionit dhe sidomos komisionari Varhelyi, po ia shpëtojnë fytyrën BE-së në Ballkan”, ka thënë Rama.

    Artikuj të ngjashëm

    Olluri: Kurti ia rriti pagën vetit, por dikur thoshte se kjo është hajni

    Luizi sjell trendin e ri të flokëve, ish-banori i BBA lyen flokët e gjelbërta

    Haradinaj takohet me senatorin Rounds: Ritheksova përkushtimin e Kosovës për të qëndruar krah Amerikës

    Të Fundit

    Olluri: Kurti ia rriti pagën vetit, por dikur thoshte se kjo është hajni

    Luizi sjell trendin e ri të flokëve, ish-banori i BBA lyen flokët e gjelbërta

    Haradinaj takohet me senatorin Rounds: Ritheksova përkushtimin e Kosovës për të qëndruar krah Amerikës

    Stresi i nervozuar: S’dua të merrem me askënd

    Aktori Osman Azemi e mohon fajësinë e tij për posedim të substancave narkotike

    Ky portal mirëmbahet nga kompania "GazetaDemos SH.P.K". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e redaksisë së "GazetaDemos SH.P.K". Për ta shfrytëzuar materialin e këtij portali obligoheni t'i pranoni kushtet e përdorimit.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.