Albanian
Croatian
English
French
German
Serbian
Turkish
Analisti politik Gazmir Raci ka thënë se nuk ka vend për dialog përderisa Serbia nuk e merr dënimin e merituar nga Bashkimi Evropian për sulmin e 24 shtatorit në Banjskë.
“Mendoj që nuk ka vend për dialog përderisa Serbia nuk e merr dënimin e merituar nga BE dhe përderisa Serbia nuk i nxjerr para drejtësisë të gjithë sulmuesit në sulmin terrorist në Kosovë, mandej Serbët që janë shtetas të Kosovës duhet të dorëzohen para organeve të drejtësisë në Kosovë”, tha Raci, për Gazeta Blic.
Analisti thotë se Serbia duhet të ndëshkohet për sulmin terrorist dhe për agresionin që ka bërë ndaj Kosovës, pasi që edhe Bashkimi Evropian e ka vlerësuar si një sulm terrorist ndaj Kosovës,
“Po e para duhet që Serbia të ndëshkohet për sulmin terrorist për agresionin që ka bërë ndaj Kosovës, vet Bashkimi Evropian e ka vlerësu si sulm si agresion dhe mbi këtë konstatim Bashkimi Evropian duhet të vendos sanksione të ashpra ndaj Serbisë, sepse e ka shkel rëndë rrugën e saj në anëtarësimin në Bashkimin Evropian duke cenuar gjendjen e qëndrueshme stabilitetin dhe bashkëpunimit “, u shpreh ai.
Sipas Racit, të gjithë ata që janë përfshirë në sulmin terrorist duhet të dalin para drejtësisë dhe të marrin dënimin e merituar, tutje ai shtoi se në dialog duhet të kthehemi vetëm me një kusht që në dialogun e radhës të flasim vetëm për zbatimin e planit Franko-Gjerman dhe Aneksin e Ohrit.
“Më pastaj të gjithë ata që janë përfshirë në sulmin terrorist dhe në agresioni duhet të dalin para drejtësisë dhe të marrin dënimin e merituar dhe në fund mund të kthehemi në dialog por me kusht që në dialogun e radhës të flasim vetëm për zbatimin e planit Franko-Gjerman dhe aneksin e Ohrit asgjë më shumë dhe asgjë më pakë sesa ajo që Kosova ka thënë po, plani Franko-Gjerman, njohja de fakto e Serbisë ndaj Kosovës, dhe të ecim tutje drejt anëtarësimit, Kosova në NATO dhe në BE, dhe pse jo edhe Serbia nëse i plotëson kushtet pse jo edhe ajo të bëhet anëtare e familjes evropiane”, shtoi Raci.