Qytetari që protestoi ndaj Fitore Pacollit po intervistohet nga Policia – flet vajza e tij

Agim Pllashniku, qytetari i cili  protestoi ndaj deputetes së  Lëvizjes Vetëvendosje, Fitore Pacolli është ndaluar nga Policia e Kosovës.

Lajmin e ka konfirmuar vajza e tij, Sonila Pllashniku.

Ajo tha se babai i saj është duke u intervistuar nga Policia e Kosovës.

Pllashniku ka debatuar ashpër në shenjë proteste ndaj deputetes Fitore Pacolli. Ai i është ofruar  te tavolina ku ajo pinte kafe dhe i ka kërkuar që të ia paguajë faturën.

Qytetari e ka quajtur “hajne” deputeten Pacolli, pas raportimeve se organizata të cilën e themeloi bashkëshorti i saj Ilir Dalipi, mori 52 mijë euro nga Ministria e Kulturës.

“Paguma qit faturë se i ke ba milionat. A të kujtohet kur ju thojshe hajna atyne?”, i tha qytetari.

“Unë me ta pagu a?”, pyeti deputetja Pacolli duke ia hedhur faturën.

“Po ti paguaje. E ju çka jeni? Kit shtet pe vidhni. Hajne, hajne…”, thoshte qytetari.

Më pas deputetja u ngrit në këmbë duke e përmendur Policinë.

“Unë nuk tutna ty edhe s’guxon as mem prekë.”, shtoi Pacolli.

Ende nuk ka një qëndrim zyrtar nga Policia e Kosovës lidhur me ndalimin dhe procedurat ndaj Pllashnikut.

LEXO EDHE:

Arrestohet veterani i UÇK-së që ia çoi faturën Fitore Pacollit