Qëllohet aksidentalisht me pushkë gjuetie një 14-vjeçar në Dragash

Një 14-vjeçar nga Dragashi ka pësuar lëndime të rënda trupore pasi është qëlluar pas shkrepjes aksidentale të një pushke gjuetie raporton Express.

Policia ka bërë me dije se i njëjti është dërguar për trajtim në Spitalin e Prizrenit dhe sipas mjekëve është në gjendje të mirë shëndetësore.

“Një mashkull kosovar 14 vjeçar ka pësuar lëndime të rënda trupore pasi është qëlluar pas shkrepjes aksidentale të një pushke gjuetie me të cilën viktima kishte në posedim me disa bashkëmoshatarë të tij. Viktima është dërguar për trajtim mjekësor në Spitalin e Prizrenit dhe sipas mjekëve është në gjendje të rëndë”, thuhet në raport.