Punoi gjashtë muaj dhe erdhi nga Koreja e Jugut për ta takuar Zhegrovën: Mos u largo nga Lille, ti je më i miri i ligës

Kim Yeon-Su, një tifoz i Lille nga Koreja e Jugut u takua sot me futbollistin e tij të preferuar, yllin kosovar, Edon Zhegrovën.

Ai kurseu para për gjashtë muaj për të ardhur dhe për ta përcjellur ndeshjen e sontme ndaj Nice në Ligue 1.

Por, ekipi francez ia bëri edhe më special vizitën e tij, duke e mundësuar takimin me futbollistin e tij të preferuar, Edon Zhegrovën.

Ai i tha se është futbollisti më i mirë i ligës dhe e luti që të mos largohet nga Lille.