Punimet në rrugën Prishtinë-Mitrovicë, krijohen kolona të gjata

Punimet në magjistralen Prishtinë-Mitrovicë po vazhdojnë. Qytetarët po presin në kolona të gjata e në pluhur. Ata shprehen të lodhur nga kjo gjendje, por ka prej tyre që janë optimistë se kjo rrugë do të përfundojë shumë shpejt.

Kolonës në magjistralen Prishtinë-Mitrovicë nuk i shihet fundi. Krahas punimeve, është vështirësuar edhe qarkullimi në këtë rrugë.

Qytetarët që e përshkojnë këtë rrugë çdo ditë, thonë se janë lodhur nga pritjet e gjata në kolona.

“Shumë është ngarkesë e madhe, janë ardhur qytetarë nga jashtë, kanë marrë kerre me qira dhe e kanë bërë kolona të gjatë. A është e mundimshme me e bë këtë rrugë çdo ditë. E tepërt, e tepërt”.

Por, ka prej tyre që besojnë se pritjes po i vjen fundi, RTK.

“Po, besoj që ka me u kry shpejt”.

Punimet po vazhdonin të hënën në segmentin Lum i Madh-Gojbulë, ndërkohë që në segmentin nga Smrekonica deri në Mitrovicë ende nuk kanë filluar punimet, por një gjë e tillë pritet të ndodhë sivjet, pas sigurimit të fondeve.

“Sipas marrëveshjes që u nënshkrua nga MInistria e Financave dhe Fondi Saudit për Zhvillim, rreth 13 milionë euro do të investohen këtu në segmentin Smrekonicë-Mitrovicë që përfshinë rreth 5 kilometra”

Punimet në magjistralen Prishtinë-Mitrovicë kanë nisur në vitin 2009. Edhe pse kanë kaluar më shumë se një dekadë, segmenti 30 prej kilometrash ende nuk ka përfunduar.