Pulmologu Morina apelon për lënien e duhanit: Shkak kryesor i shtrimit në spital

Pulmologu, Besim Morina thekson se pirja e duhanit është shkaktari më i shpeshtë i vdekjeve të parakohshme, madje sipas tij, duhanpirja është edhe një prej shkaktarëve kryesor të shtrimit të pacientëve në spital. “Pirja e duhanit është shkaktari më i shpeshtë i vdekjes së parakohshme në botë.

Ajo është shkak i një numri të madh të sëmundjeve, të sistemit respirator parësisht, si dhe sistemeve te organeve tjera si ato zemrës e enëve të gjakut, të laringut, lukthit etj. Duhanpirja është shkaktari i drejtëpërdrejtë edhe i kancerit të mushkërive, që është edhe kanceri me vdekjeprurës në Kosovë. Njëra prej semundjeve me te shpeshta te frymemarrjes per te cilen shume paciente te moshes se mesme dhe te shtyer kerkojne ndihme mjekesore,Bronkiti kronik, shkaktohet nga duhanpirja.

Ai karakterizohet me nje kolle kronike, kelbaze e shpesh edhe veshtiresi ne frymemarrje e lodhje. Në vendin tonë kjo paraqet një prej shkaktareve kryesore edhe të shtrimit në spital”, shprehet doktori.

Gjatë bisedës, pulmologu Morina vë në theks edhe shqetësimin e tij  për ringritjen e numrit të përdoruesve të duhanit dhe nënprodukteve të tij, si cigarja elektronike, duke thënë se kjo rrit rrezikun nga sëmundjet dhe humbja e funksionit mushkëror.

“Pas një rënie të trendit të duhanpirjes, për fat të keq e kemi vërejtur një ringritje e numrit të përdoruesve të duhanit dhe produkteve të tij (përfshirë cigaret elektronike e shishat) sidomos nga moshat e reja. Kjo është shqetësuese, pasi potencialisht nëse fillohet me pirjen e duhanit që në moshe të re, kohëzgjatja e duhanpirjes e me këtë edhe rreziku nga sëmundjet dhe humbja e funksionit mushkëror është më i madh”, nënvizoi ai.

E pikërisht për po të njëjtën arsye, doktori rekomandon që të parandalohet fillimi i përdorimit të duhanit e produkteve të tij, apo ndërprerja sa më herët e duhanpirjes, pasi sipas tij edhe edhe përfitimimet janë më të mëdha.