Pse u përplas Thaçi me Berishën, Islami: Në Shqipërinë e Berishës, krerët e UÇK-së ishin në ‘listë të zezë’

Në vitet ’90, por edhe viteve të fundit kishte disa mospajtime mes Hashim Thaçit dhe Sali Berishës, e që në shumë raste nuk kursenin as akuzat mes njëri-tjetrit.

Njëri nga bashkëpunëtorë e ngushtë të Thaçit, Bedri Islami në emisionin “n’Demos” ka folur për zanafillën e këtij raporti.

“Duhet ta dijmë që në kohën kur qeveriste Berisha, shërbimi informativ në bashkëpunim me Ambasadën e Kosovës hartuan një listë me figura të ndryshme të UÇK-së të cilët ishin të padëshirueshëm në Shqipëri. Hashimi për shumë kohë, ai është njeri i pastër politik, e ruajti distancën me ngjarjet e kaluara pa dashur të kthej çështjen në përplasje politike. Edhe pas luftës veproj njësoj, deri sa Sali Berisha hodhi akuza ndaj tij, e ai më pas shpërtheu, bile i thash duket si paske lexuar mirë librat e mi se i përsërite fjalët”, është shprehur ai, përcjell GazetaDemos.

Për dallim nga pushteti në atë kohë, në Shqipëri kishte persona të tillë që i ndihmonin në forma të ndryshme ushtarët e UÇK-së.

Një i tillë ishte edhe “Plaku i Shishmarit”, ku së bashku me djalin e tij ishin bazë e fortë për çlirimtarët e viteve ’90.

“Qerim Kelmendi ka patur dy nofka, në organizatë e ka patur “Shpirt madhi”, ndërsa në UÇK është njohur si “Dema”, ai ka qenë ushtari i parë i plagosur i UÇK-së, ai është plagosur në një aksion që kanë zhvilluar afër Pejës, me Ardian Krasniqin dhe disa shokë të tjerë, Zahiri e ka tërhequr në Shqipëri për t’u kuruar, ka qenë një bazë aty në Shqipëri është quajtur “Plaku i Shishmarit”, ai dhe djali i tij Astriti kanë qenë në lidhje të vazhdueshme me grupin e Llapit dhe Dukagjinit. Kur është vrarë Zahir Pajazitit, Ardian Krasniqi ka qenë pikërisht tek “Plaku i Shishmarit”, edhe duke parë lajmet dëgjon se është vrarë Zahir Pajaziti dhe nuk e ngrit kokën, kur e çoj kokën tha ky është “Ismeti”, qenka vrarë “Ismeti”, pra shumica prej tyre janë njohur me nofka”, ka deklaruar Bedri Islami.

Emisioni i plotë: