Albanian
Croatian
English
French
German
Serbian
Turkish
Do të kemi një skuadër bashkërenduese të Komunitetit Politik Evropian nën kujdesin e zyrës së Presidentit të Këshillit Evropian për një seri temash.
Kështu u shpreh kryeministri i Shqipërisë, Edi Rama, në përfundim të Samitit të Komunitetit Politik Evropian në Tiranë, në konferencën e përbashkët për shtyp me homologen e Danimarkës, Mette Frederiksen, shkruan A2CNN.
“Për t’i mbajtur fort bashkë vlerat e parimet që udhëheqin shoqëritë tona, për të bërë gjithçka kemi në mundur për të mbrojtur vlerat dhe parimet tona të mishëruara në shoqëritë tona, duke mbrojtur vendet tona, qytetarët tanë dhe të ardhmen tonë. Ndërkohë diskutuam edhe si do të ecim më tej. Diskutuam për të investuar më shumë në iniciativa, në ato fushatat evropiane që i përkasin këtij komuniteti politik dhe në ato vende që nuk i përkasin ende BE dhe që nuk do t’i përkasin ndonjëherë”.
“Dita ka qenë e frytshme, patëm një sërë tryezash të rrumbullakëta, një seri temash diskutimi. Patëm përfundime shumë interesante që do të çohen më tej nga danezët. Ndërkohë vendosëm që do të kemi një skuadër bashkërenduese të KPE nën kujdesin e zyrës së Presidentit të Këshillit Evropian. Kjo është një sintezë e përgjithshme të asaj çfarë bëmë sot”, tha Rama, transmeton Klankosova.tv.
Tutje, ai u shpreh se Evropa duhet të bëjë më shumë për mbrojtjen e saj dhe për të investuar në kapacitetet e saj të vetëmbrojtjes, duke ngritur pikëpyetje mbi armëpushimin në Ukrainë.
“Unë besoj se kjo është njëra anë e medaljes. Ana tjetër lidhet me emrin e vetë Evropës. Evropa ka qenë gjithmonë përfaqësuese e disa gjërave që të tjerët i kanë pasur zili. BE është produkt i një ëndrre fëmijë, që askush nuk do e besonte, por ja që ndodhi”.
“Ndaj besoj që po, na duhet të bëjmë ato që është folur për mbrojtjen. Kemi një të ardhme që duhet ta ndërtojmë. Ka edhe një pikëpyetje, pse duhej pritur Donald Trump që të merrte në konsideratë armëpushimin? Sepse ne ishim të apasionuar ndaj një kauze të drejtë, por humbëm terren në diplomaci”.
