Propozimet e Dedës: Presidenti të zgjedhet nga qytetarët, kryetari i Kuvendit nga më shumë kandidatë

Analisti politik Ilir Deda, i ka dhënë disa propozime për tejkalimin e krizës politike në Kosovë.

Sipas Dedës, kryetari i Kuvendit duhet të zgjedhet në një garë me më shumë kandidatësh dhe karrigen e siguron ai që merr përkrahjen e 61 deputetëve.

Ai po ashtu tha se zgjedhja e presidentit duhet të bëhet nga qytetarët dhe jo më nga Kuvendi.

“Ideale do të ishte edhe ndryshimi i një pjese të ligjit për zgjedhjet e përgjithshme si për shembull ulja a pragut zgjedhor në 3%, si dhe vendosja e pragut natyral (1%) për kandidatet e pavarur”, tha ai.

“Bllokada e tanshme do të merr epilog një ditë. Por, nëse sistemi politik mbetet i pandryshuar i kemi të garantuara bllokadat në të ardhmen”, deklaroi Deda.

Të enjten, më 15 maj, presidentja e Kosovës Vjosa Osmani, i ka thirrur në takim liderët e partive politike.

Krejt liderët i thanë “PO” shefes së shtetit.

Mbetet të shihet në rast se pas takimit me Osmanin, do të ketë ndonjë rezultat drejt zhbllokimit të Kuvendit.

Derisa sot as për herën e 15-të nuk u bë konstituimi i Parlamentit.