Prishtina e Suhareka “luftojnë” për mbijetesë

Xhiroja e 26-të e AlbiMall Superligës së Kosovës në futboll vazhdon edhe të premten.

Nga ora 14:00 do të ballafaqohen Suhareka ’23 dhe Malisheva, ndeshje kjo që do të transmetohet në kanalin sportiv Sport1 në platformën Artmotion.

Ndërkaq ndeshja tjetër, ajo mes Prishtinës dhe Feronikeli ’74 transmetohet në orën 20:00 në “Fadil Vokrri”. Edhe këtë ballafaqim e transmeton platforma Artmotion në kanalin Sport1.

Malisheva ka pasur stinor relativisht të mirë, duke u renditur aktualisht në pozitën e 3-të me 41 pikë, dhe lufton për vendin e dytë që momentalisht mbahet nga Ballkani me 43 pikë. Kurse Suhareka gjendet në zonën e kuqe, të 8-tën, me 29 pikë.

Prishtina hyn në këtë xhiro pas 10 ndeshjeve pa fitore. Aktualisht gjendet në pozitën 5 me 32 pikë, 3 pikë larg Llapit e Suharekës që gjenden në pozitën 8, pozita që rrezikojnë rënien nga liga.

Kurse Feronikeli (pozita 10), skuadër e cila sivjet ka pasur rrjedhë të dobët, në mesin e pak fitoreve të realizuara, një të tillë e ka regjistruar ndaj Prishtinës