Presidentja Osmani tregon se çfarë bisedoi në Mbretërinë e Bashkuar

Presidentja e Republikës së Kosovës, Vjosa Osmani ka takuar kryetarin e Dhomës së Përfaqësuesve të Parlamentit Britanik, Sir Lindsay Hoyle, të cilit i ka shpreh ngushëllimet, me rastin e varrimit të Mbretëreshës së Mbretërisë së Bashkuar, Elizabeta II, e cila ndërroi jetë më 8 shtator.

Osmani, në një postim në Twitter, ka shkruar se me Sir Lindsay Hoyle folën për zhvillimet në Ballkan dhe në Evropë, si dhe rëndësinë e bashkëpunimit mes dy vendeve.

“Ndërsa isha në Mbretërinë e Bashkuar, u takova me kryetarin e Dhomës së Përfaqësuesve të Parlamentit Britanik, Sir Lindsay Hoyle dhe shpreha ngushëllimet e mia në emër të Kosovës.

Diskutuam gjithashtu zhvillimet në rajonin tonë dhe në Evropë, si dhe rëndësinë e bashkëpunimit parlamentar mes dy miqve dhe aleatëve afatgjatë”, ka shkruar Osmani.

While in the UK, I met with @CommonsSpeaker Sir Lindsay Hoyle and expressed my condolences on behalf of Kosovo.

We also discussed developments in our region and in Europe, as well as the importance of parliamentary cooperation between two long-term friends and allies.

🇽🇰🤝🇬🇧 pic.twitter.com/doh6TvxaQ3

— Vjosa Osmani (@VjosaOsmaniPRKS) September 20, 2022

Presidentja e Kosovës, Vjosa Osmani ishte e ftuar për të marrë pjesë në ceremoninë e varrimit të Mbretëreshës Elizabeta II.

Pas kësaj ceremonie në Mbretërisë së Bashkuar, presidentja Osmani ka udhëtuar për në New York, ku në margjina të sesionit të 77-të të Asamblesë së Kombeve të Bashkuara (UNGA), krahas liderëve të tjerë botërorë do të marrë pjesë në pritjen zyrtare të organizuar nga presidenti i SHBA-ve, Joe Biden.