Presidentja Osmani kërcënohet me fjalën “t’vraj”, flasin nga presidenca

Në emailin zyrtar të Presidencës, një llogari e quajtur “Rrap Tap” ka kërcënuar me jetë presidenten Vjosa Osmani. 

Sipas Presidencës, kjo llogari kërkon që formimin e qeverisë, presidentja t’ia kalojë partisë së dytë.

Këtë e ka konfirmuar për Gazetën Demos, këshilltari i Osmanit, Bekim Kupina ku sipas tij ky e-mail presidentes i drejtohet me fjalët “t’vraj”.

Kupina tha se e-maili është dërguar në adresën zyrtare të institucionit.

”Kërcënimi i kësaj jave është vazhdimësi e kërcënimeve të vazhdueshme me jetë ndaj Presidentes Osmani. Çfarë i bashkon të gjitha? Mosveprimi i institucioneve të drejtësisë. Përkundër dhjetëra kërcënimeve — shumica prej tyre kërcënime me jetë — asnjë veprim nuk është ndërmarrë ndaj kërcënuesve për vite me radhë. Kjo, edhe pse në shumicën e rasteve, kërcënimet bëhen me emër, mbiemër dhe nga profile të identifikueshme. Disa kërcënime janë bërë madje edhe në emisione televizive, por edhe atëherë kanë munguar veprimet për t’i përballur kërcënuesit me përgjegjësi. Rasti i kërcënimeve të njëpasnjëshme me jetë ndaj Presidentes dhe familjes së saj është i vetmi në historikun e institucioneve, siç na është thënë nga institucionet e sigurisë, ku asnjë nga kërcënuesit nuk është përballur me drejtësinë. Kur kërcënimet e rënda nuk trajtohen me seriozitetin që meritojnë, ato jo vetëm që nuk ndalen — përkundrazi, inkurajohen. Kjo klimë e rrezikshme nxit të tjerë të ndjekin të njëjtin model: nxitje dhune, thirrje për eliminim fizik dhe përçmim të plotë ndaj rendit kushtetues.

Bekim Kupina, këshilltar për Media”, tha ai për Demos.

Kupina shtoi se rasti është raportuar në Policinë e Kosovës, sikurse edhe për dhjetëra kërcënime të tjera.

Nëdrkaq Gazeta Demos ka kontakaktuar edhe Policinë e Kosovës për të pyetur nëse kanë marrë masa për të hetuar rastin.

LEXO EDHE: