Presidentja pas takimit me kryeparlamentarin e Hungarisë: Jemi të vendosur të çelim kapituj të ri bashkëpunimi

Presidentja e Kosovës, Vjosa Osmani ka dhënë detaje mbi takimin që ka zhvilluar me kryeparlamentarin e Hungarisë, Laszlo Kover në Budapest.

Përmes një postimi në Facebook ku e para e shtetit ka ndarë disa fotografi, tregon se në takim u diskutua për rëndësinë e bashkëpunimit ndërshtetëror në përfitim të qytetarëve të të dyja vendeve.

“Kosova është e vendosur që të çelë kapituj të ri të bashkëpunimit me Hungarinë dhe në të njëjtën kohë, t’i ruajë raportet historike dhe t’i fuqizojë lidhjet në mes popujve tanë”, ka shkruar presidentja.