Prej dy ditësh i arratisur, arrestohet një burrë në Gjilan

Është arrestuar një burrë i cili ndodhej në arrati në Gjilan.

Policia ka bërë të ditur se pas informatave të marra përmes rrugëve operative ka arritur që të lokalizojë dhe arrestojë të dyshuarin S.L, transmeton GazetaDemos.

I dyshuari akuzohet për veprën penale “Shkaktim i rrezikut të përgjithshëm”.

Sipas njoftimit të policisë bëhet e ditur se i njëjti është dërguar në mbajtje dhe i është bastisur shtëpia.

“Gjatë kontrollimit tek i dyshuari nga zyrtarët policor është gjetur dhe konfiskuar një revole e tipit Gardinof e kalibrit 7.65 mm, një fishek i kalibrit 7.65 mm, një karikator dhe një brisk si dëshmi për gjykatën. I dyshuari pas arrestimit është intervistuar në prezencë të avokatit mbrojtës”.

“Në lidhje me rastin është njoftuar Prokurori i Shtetit i cili ndaj të dyshurit ka lëshuar masën e ndalimit për 48 orë dhe rasti me kallëzim penal do të përcillet në Prokurorinë Themelore” thuhet në njoftim./Demos/