Pamje brutale – momenti kur gruaja në Fushë Kosovë goditet pamëshirshëm nga burri

Një grua është plagosur sot në Bresje të Fushë Kosovës. Ajo është plagosur nga një burrë.

Pamjet janë tronditëse. Gruaja shihet e gjakosur ndërkohë që burri i saj e godet me armë.

Nuk ndalon, derisa ndërhyn një qytetar, i njëjti pastaj shihet se si e kap dorasin.

Përveç tij për rreth janë parë edhe qytetarë të tjerë, në mesin e tyre edhe një fëmijë.

Rastin e ka konfirmuar zëdhënësja e policisë, Flora Ahmeti.

Ajo njoftoi se lidhur me rastin është arrestuar një person i dyshuar.

“Sot rreth orës 07:30 policia ka marrë informatën për një plagosje me armë zjarri të ndodhur në Bresje- Fushë Kosovë. Personi i plagosur (femër) është dërguar për tretman mjekësor”, ka thënë ajo.

Ndërkohë shtoi se që hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.