Posta Shqiptare emëton pullën postare për Pavarësinë e Kosovës

Posta Shqiptare sot ka emëtuar pullën postare, e cila i dedikohet 15-vjetorit të pavarësisë së Kosovës.

Kështu ka bërë të ditur kryeministri shqiptar, Edi Rama, i cili në Facebook ka publikuar fotografi të pullës postare.

Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës, në Prishtinë.

Në një mbledhje të jashtëzakonshme, ku kanë marrë pjesë 109 nga gjithsej 120 deputetë, Kuvendi i Kosovës njëzëri ka shpallur Kosovën shtet të pavarur, sovran dhe demokratik.