Portugalia në Kupën e Botës, Fernando Santos: “Ne kemi një ëndërr, triumfi në Katar është e mundur”

Portugalia mundi Maqedoninë e Veriut dhe kualifikohet sërish në Kupën e Botës.

Kombëtarja portugeze fitoi me rezultatin 2-0, me dy golat e shënuar nga Bruno Fernandes.

Trajneri i Portugalisë, Fernando Santos ishte i kënaqur me triumfin dhe normalisht kualifikimin në Kupën e Botës 2022.

“Nuk pres asgjë nga shorti, pranoj çdo kundërshtar. Kam marrë pjesë në gjashtë faza finale që kur jam trajner. Kemi një ëndërr për të përmbushur, kjo skuadër tashmë ka arritur t’i japë Portugalisë dy tituj , një Europian dhe Ligën e Kombeve. Tani besojmë se është e mundur të rikthehet gëzimi te 11 milionë njerëz”, tha Santos.