Policia s’ndalet me aksionet ndaj kriptovalutave, sekuestron 16 kartela grafike dhe 3 aparate për prodhimin e tyre

Policia e Kosovës ka ndërmarrë aksionin e radhës kundër kriptovalutave, ku caki i radhës ishte komuna e Fushë Kosovës, shkruan GazetaDemos.

Njësitet e tyre së bashku me ato të KEDS dhe zyrtarët e Doganës kanë sekuestruar 3 aparate për prodhimin e kriptovalutave dhe 16 kartela grafike.

“Me datë 13.01.2022, njësitet policore të Fushë Kosovës, në bashkëpunim me ekipin e KEDS dhe zyrtarët e Doganës së Kosovës, në rrugën “Fahri Fazliu” në Fushë Kosovë, kanë gjetur dhe sekuestruar 3 aparate për prodhimin e kriptovalutave dhe 16 kartela grafike. Marrë parasyshë procedurat ligjore lidhur me këtë rast, veprimet e mëtejme do të ndërmerren nga Dogana e Kosovës”, thuhet në njoftimin e Policisë së Kosovës.