Policia e Kosovës ka bërë të ditur se gjatë një kontrolle në rrugën “B”, i ka sekuestruar një personi një armë zjarri dhe një thikë, shkruan GazetaDemos.
“Sot rreth orës 13:00, nga zyrtarët e Njësitit për Reagim të Shpejtë të Rajonit të Prishtinë, është shoqëruar në stacion një person dhe janë sekuestruar një armë zjarri, pesë fishekë dhe një thikë”, thuhet në njoftimin e policisë.
Më tutje PK informon se personi i dyshuar është shoqëruar në stacion policor dhe ndaj tij është iniciuar rast për mbajtje në pronësi, kontroll ose posedim të pa autorizuar të armës, dhe në konsultim me prokurorin e shtetit, është liruar në procedurë të rregullt./Demos/