Policia: Policët u kidnapuan nga Njësitet Speciale të Serbisë, kemi njoftuar edhe KFOR-in

Tre zyrtarë policorë të Kosovës janë kidnapuar nga forcat serbe, shkruan GazetaDemos.

Për këtë Policia e Kosovës ka thirrur konferencë për media, me çrast janë dhënë detaje për rastin.

“Njësitet Speciale të Policisë Serbe të koordinuar kanë kidnapuar tre zyrtarë policorë të Kosovës”, ka thënë zyrtari i Policisë, Baki Kelani

“Policia e Kosovës ka njoftuar mekanizmat vendor dhe ndërkombëtar, edhe KFOR-in, që policët të lirohen menjëherë”.

“Ata janë zyrtarë që zbatojnë ligjin, janë prindër dhe familjarë, fëmijët e tyre presin që ata të kthehen në shtëpitë e tyre”, ka thënë ndër të tjera Kelani.