Policia kufitare e Kosovës parandalon një rast të kontrabandës me mallra

Policia kufitare në Kaçanik, konkretisht zyrtarët policor nga stacioni për mbikëqyrje kufitar në Muqivercë, sot ora 04:55, në fshatin Rogoqicë të Kamenicës, afër vijës kufitare me Serbinë, kanë arrit ta ndalin vozitësin e automjetit.

Ai përmes rrugëve ilegale, me automjetin dhe mallrat tjerë, nga territori i Serbisë ka hyrë në territor të Republikës së Kosovës me qellim të kontrabandës së disa mallrave.

Policia me këtë rast ka konfiskuar një automjet Furgon Renault Trafik, me targa të huaja, (automjeti kishte qenë i ç’lajmruar në vendin e origjinës) dhe  dy biçikleta elektrike.

Mallrat e kontrabanduara pas konfiskimit i janë dorëzuar doganës.

Policia thotë se në bashkëpunim dhe koordinim me Prokurorin e Shtetit janë koordinuar veprimet e mëtejme policore, përderisa i dyshuari është  liruar në procedurë të rregullt.