Policia kërkon bashkëpunim për arrestimin e “hakerit” Driton Sokoli nga Vushtrria

Driton Sokoli nga Vushtrria po kërkohet nga Policia e Kosovës për shkak të dyshimeve për mashtrim.

Policia, përmes Drejtorisë së Hetimit të Krimeve Kibernetike dhe me autorizim nga Prokuroria Themelore në Gjilan, ka publikuar fotografinë e të dyshuarit dhe ka bërë thirrje për ndihmë nga qytetarët në lokalizimin dhe arrestimin e tij.

Sokoli siç thuhet në postimin e policisë në Facebook, dyshohet për veprat penale të mashtrimit, hyrjes së paautorizuar kompjuterike, si dhe vjedhjes së identitetit dhe kredencialeve.

“Qytetarët që disponojnë informacione mund të kontaktojnë Policinë përmes stacioneve policore, aplikacionit “Lajmëro Policinë”, në emailin info@kosovopolice.com ose në numrat 038 504 50 47 299 dhe 038 504 50 47 201.

Të dhënat e juaja do të ruhen në konfidencialitet të plotë”, shkruhet në njoftim.