Policia jep detaje për gjuajtjen me armë zjarri në Aktash

Minuta më parë u dëgjuan të shtëna me armë në Aktash të Prishtinës.

Bazuar në të dhënat fillestare të Policisë, nuk ka persona të lënduar, raporton GazetaDemos.

Tutje bëhet e ditur se Policia ka dalur në vendin e ngjarjes menjëherë pas marrjes së informatës.

“Sot rreth orës 14:20, kemi  marrë informatën për gjuajtje me armë zjarri të ndodhur në rrugën ‘Gazmend Zajmi” në Prishtinë. Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nuk ka persona të lënduar”, tha zëdhënësja e Policisë, për rajonin e Prishtinës, Flora Ahmeti.