Policia jep detaje për aksidentin mes traktorit dhe veturës në Istog

Është raportuar për një aksident mes një veture dhe një traktori në Saradran të Istogut.

Këtë për Demos e ka konfirmuar zëdhënësi i policisë për rajonin e Pejës, Fadil Gashi.

Ai ka thënë se si pasojë e këtij aksidenti, është lënduar shoferi i veturës i cili ka pranuar tretman mjekësor.

”Sot rreth orës 13:40, jemi njoftuar për një aksident në fshatin Saradran të Istogut, mes një veture dhe një mjeti bujqësor (traktori). Si pasojë e këtij aksidenti vozitësi i veturës ka pësuar lëndime trupore me ç’rast është dërguar për trajtim mjekësor në Emergjencë në Spitalin Rajonal të Pejës”, ka thënë Gashi për Demos.