Policia jep detaje nga vrasja në Skënderaj, viktima u qëllua me armë zjarri brenda lokalit

Një vrasje ka ndodhur sot rreth orës 13:50 brenda lokalit “Boss Bar” në rrugën ”Sala e Hamit Jashari” në Skenderaj, shkruan GazetaDemos.

Viktima është i moshës 42-vjeçare.

Lajmin për Gazetën Demos e ka konfirmuar zëdhënësi i Policisë për rajonin e Mitrovicës, Avni Zahiti.

“Sipas informatave fillestare të shtënat kanë ndodhur brena një lokal ku si pasojë e të shtënave nga arma e zjarrit dhe plagëve të pësuara ka humbur jetën viktima mashkull i moshës rreth 42 vjeçar, shtetas i Republikës se Kosovës”, tha Zahiti për Demos.

Njoftimi i plotë:

Sot më, 12 shkurt 2025, rreth orës 13:50 policia në Skenderaj ka pranuar informatën për të shtëna me armë zjarri në rrugën ”Sala e Hamit Jashari” në Skenderaj.

Sipas informatave fillestare të shtënat kanë ndodhur brena një lokal ku si pasojë e të shtënave nga arma e zjarrit dhe plagëve të pësuara ka humbur jetën viktima mashkull i moshës rreth 42 vjeçar, shtetas i Republikës se Kosovës. 

Rrjedha hetimore po zhvillohet ne drejtim te identifikimit dhe arrestimit të një personi të dyshuar.