Policia gjobit me 200 euro shoferin pasi tejkaloj kolonën e veturave

Policia e Kosovës ka njoftuar se ka gjobitur me 200 euro dhe me dy pikë negative, një shofer në Gjilan,i njëjti pasi tejkaloj kolonën e veturave, shkruan GazetaDemos.

Pamjet e këtij tejkalimi, Policisë iu dërguan përmes një Email-i, të njëjtit po ashtu iu ndalua e drejta e drejtimit të mjetit në afat prej 3 muajsh.

Njoftimi i plotë:

Vozitësit i caktohet masa e përkohshme e ndalim drejtimit të mjeteve motorike për shkak të tejkalimit të kolonës

Gjilan, 16 shtator 2024

Njësiti Rajonal i Trafikut Rrugor Gjilan ka identifikuar dhe shqiptuar gjobën në vlerë prej dyqind (200) euro, dy (2) pikë negative dhe masën e përkohshme të ndalim drejtimit të mjeteve motorike në afat prej tre (3) muaj ndaj kundërvajtësit i cili në foton e dërguar në E-mailin zyrtar shihet duke bërë tejkalim të kolonës.

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001. Të dhënat e juaja do të ruhen ne konfidencialitet të plotë