Policia gjermane vret një të dyshuar në shkëmbim zjarri pranë konsullatës izraelite në Mynih

Policia gjermane qëlloi për vdekje një burrë në një shkëmbim zjarri pranë konsullatës izraelite dhe një muzeu historik nazist në Mynih të enjten, tha ministri i Brendshëm i shtetit Joachim Herrmann.

“Për shkak të ndërhyrjes së policisë, autori u ndalë”, u tha Herrmann gazetarëve. Një zëdhënës i policisë në kryeqytetin e shtetit bavarez tha se burri kishte një “armë me tytë të gjatë” që rezultoi se ishte një pushkë e vjetër, raporton Reuters.

Incidenti ndodhi në përvjetorin e sulmit të vitit 1972 në Lojërat Olimpike të Mynihut, ku militantët palestinezë vranë 11 atletë izraelitë. Motivi i të armatosurit në incidentin e së enjtes nuk dihej menjëherë, por Herrmann tha se policia do të përpiqet të sqarojë nëse kishte ndonjë lidhje me përvjetorin.