Albanian
Croatian
English
French
German
Serbian
Turkish
Policia e Kosovës ka konfirmuar se ka nisur një hetim penal për veprën “Kanosje” ndaj qytetarit i cili u përfshi në një përplasje verbale me deputeten e Lëvizjes Vetëvendosje, Fitore Pacolli, në një lokal në Prishtinë.
Policia e Kosovës në rajonin e Prishtinës e ka konfirmuar se i dyshuari është ftuar për intervistim dhe, me rekomandim të prokurorit të shtetit, ndaj tij është iniciuar procedurë hetimore për këtë vepër.
Pas procedurës fillestare, ai është lënë i lirë në procedurë të rregullt.
Ngjarja ndodhi kur qytetari në fjalë i çoi deputetes faturën që ai vetë kishte konsumuar në lokal, duke i thënë se është “hajne” dhe se “duhet t’i vijë marre që po e vjedh Kosovën”.
Deputetja Pacolli, sipas pamjeve të publikuara, ia ka hedhur faturën dhe është ngritur duke reaguar: “Nuk frikësohem”.