Plagosjet dhe grabitja në Veternik, arrestohet një person

Prokuroria Themelore e Prishtinës konfirmon arrestimin e një personi për rastin e sotëm të plagosjeve dhe grabitjes në Veternik.

Personi në fjalë është ndaluar, teksa prokuroria thotë se po vazhdon ndjekja e personave të ndodhur në arrati.

Njoftimi i plotë:

Prokuroria Themelore në Prishtinë njofton opinionin publik, se Prokurori kujdestar është informuar nga Njësiti Policor se në lagjen Veternik të Prishtinës ka ndodhur rasti i ’Grabitjes’’ në oborrin e një qendre tregtare ‘’Albi Mall’’. Ndërkohë hetuesit policor në bashkëpunim me Prokurorin e shtetit kanë ndaluar një (1) person për vepër penale ‘’Grabitja’’ nga neni 317 dhe ‘’Mbajtja në pronësi, kontroll ose posedim të paautorizuar të armëve’’ nga neni 366 të Kodit Penal të Republikës së Kosovës, si dhe Prokuroria Themelore vazhdon ndjekjen e personave të cilët ndodhen në arrati.
Tani për momentin nuk mund të jepen të dhëna të detajuara lidhur me këtë rast, mirëpo Prokurori i
shtetit është i përkushtuar që në koordinim dhe bashkëpunim me organet e rendit të zbardh cështjen në
tërësi.