sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Plagoset rëndë gazetari i njohur

    07/07/2021 07:06
    Share
    Facebook Twitter WhatsApp

    Gazetari i famshëm holandez Peter R. de Vries, i njohur për raportimet e tij në botën e krimit, po lufton për jetën e tij, pasi u qëllua në një rrugë të Amsterdamit.

    Autoritetet holandeze njoftuan se janë arrestuar tre të dyshuar, përfshirë edhe autorin e mundshëm, por nuk dhanë hollësi të tjera për ngjarjen.

    “Ai u plagos rëndë dhe po lufton për jetën e tij”, tha kryetarja e bashkisë së Amsterdamit, Femke Halsema në një konferencë me gazetarë. “Ai është një hero kombëtar për të gjithë ne. Një gazetar i rrallë, i guximshëm, që pa u lodhur kërkoi drejtësi”.

    Gazetari De Vries fitoi çmimin ndërkombëtar Emmy në vitin 2008 për punën e tij ne hetimin e zhdukjes së adoleshentes amerikane Natalee Holloëay në Aruba, në vitin 2005.

    Kryeministri holandez, Mark Rutte, e quajti sulmin “tronditës dhe të pakuptueshëm. Ishte një sulm ndaj një gazetari të guximshëm dhe gjithashtu një sulm ndaj shtypit të lirë që është kaq thelbësorë për demokracinë tonë. Ne jemi duke u lutur që ai të mbijetojë”, tha ai.

    Transmetuesi holandez RTL tha se Peter R. de Vries sapo ishte larguar nga studiot e tij në qendër të Amsterdamit kur u qëllua ne kokë.

    Gazetari De Vries, 64 vjeç, është i famshëm në Holandë, si komentator i shpeshtë i programeve televizive dhe reporter ekspert i krimit, me burime si në forcat e sundimit të ligjit ashtu edhe në botën e krimit.

    Ai është i njohur në Holandë për punën hetimore në raste të panumërta, veçanërisht pas rrëmbimit në vitin 1983 të manjatit të birrës, Freddy Heineken.

    De Vries ishte kërcënuar nga bota e krimit në të kaluarën në lidhje me disa raste.

    Në vitin 2013, Willem Holleeder, rrëmbyesi i zotit Heineken, u dënua për kërcënime ndaj gazetarit De Vries. Holleeder aktualisht po vuan një dënim me burgim të përjetshëm për përfshirje në pesë vrasje.

    Ngjarja e së martës nxiti reagimin në shkallë të gjerë të organizatave për mbrojtjen e gazetarëve. Komiteti për Mbrojtjen e Gazetarëve u bëri thirrje autoriteteve holandeze” të hetojnë me shpejtësi dhe thellësisht sulmin ndaj gazetarit Peter R. de Vries, të përcaktojnë nëse ai ishte në shënjestër për punën e tij dhe të sigurojnë që sulmuesi dhe organizatorët e sulmit të përballen me drejtësinë”

    Artikuj të ngjashëm

    Kurti pret gazetarët afganë, iu mundëson atyre strehim, pagë mujore, sigurim shëndetësor dhe biletë kthimi

    Gazetari zbulon parregullësi të tjera për qendrën ku u rrah nëna e dëshmorit nga Peja

    Buzhala: Haxhiu ka me ndjek penalisht edhe burrin e vet, që e ka terrorizu në Facebook një Kosovë 13 vjet

    Të Fundit

    Vlera e koeficientit, reagon KPK: Pagat e prokurorëve janë ulur ndjeshëm, është cenuar funksionalizimi i sistemit prokurorial

    Eskalon debati në mes Julianës dhe Gresës

    Gashi ‘shpërthen’ ndaj Qeverisë: E padrejtë për krejt, e kapi shtetin dhe s’bën të presim më shumë

    Deputeti i VV-së: Do t’i zbatojmë të gjitha marrëveshjet me Serbinë, pos Asociacionit

    Koeficienti i pagave, nga sektori privat që punojnë për shtetin kërkojnë të paguhn sipas këtij ligji

    Ky portal mirëmbahet nga kompania "GazetaDemos SH.P.K". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e redaksisë së "GazetaDemos SH.P.K". Për ta shfrytëzuar materialin e këtij portali obligoheni t'i pranoni kushtet e përdorimit.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.