Një person është plagosur në Gjakovë më saktësisht në rrugën ”Bardhyl Qaushi”, shkruan GazetaDemos.
Këtë e ka konfirmuar zëdhënësi i policisë për rajonin e Gjakovës, Sheremet Eelzi i cili ka thënë se i njëjti është dërguar në Spitalin Rajonal të Gjakovës.
”Sot rreth orës 12:21 kemi pranuar informatë se një person është i plagosur në rrugën “Bardhyl Qaushi”-Gjakovë. Njësitet e nevojshme policore menjëherë kanë dalë në vendin e ngjarjes ku dyshohet se një person i moshës madhore është qëlluar me armë zjarri. I njëjti është dërguar në Spitalin Rajonal të Gjakovës dhe sipas personelit mjekësor gjendja e viktimës për momentin është stabile (jashtë rreziku për jetë). Rasti është duke u hetuar”, tha Elezi për Demos.