Një person ka mbetur i plagosur nga arma e zjarrit, këtë mbrëmje në lagjen “Emshir” të Prishtinës, shkruan GazetaDemos.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se i plagosuri ka pranuar tretman mjekësor.
“Sot rreth orës 21:00 policia ka marrë informatën për një plagosje me armë zjarri, në një lokal, në lagjen Emshir të Prishtinës. Nga arma e zjarrit lëndime ka pësuar një person, B.A, mashkull 37 vjeç, i cili është dërguar për tretman mjekësor”, bëri të ditur ajo për Gazetën Demos.
Policia ka filluar hetimet në lidhje me këtë rast.