Plagosen me armë zjarri tre persona në Prishtinë

Tre persona kanë mbetur të plagosur nga arma e zjarrit këtë mbrëmje në lagjen Lakrishte në Prishtinë, shkruan GazetaDemos.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila bëri të ditur se viktimat janë dërguar për ndihmë mjekësore.

“Bazuar në të dhënat fillestare dyshohet se me armë zjarri janë plagosur tre persona, të cilët janë dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore për arrestimin e dy personave të dyshuar ( të cilët janë identifikuar) si dhe ndriçimin e plotë të rastit”, tha ajo.

Policia tashmë ka dalë në vendin e ngjarjes dhe ka ndërmarrë veprimet e nevojshme për këtë rast.