Pjesë e Akademisë së Shkencës por pa asnjë punim, kush është profesoresha që ia mësyu garës për rektor në UP?

Sefer Avdiaj, Isak Shabani, But Dedaj, Faton Berisha dhe Gjyljeta Mushkolaj janë 5 kandidatët që ia kanë mësyer garës për rektor të Universitetit të Prishtinës këtë herë. Por, konform kritereve që janë kërkuar në këtë konkurs nuk janë të gjithë kandidatët.

Në konkurs thuhet se: kandidati që aplikon për këtë pozitë duhet të ketë përvojë të dëshmuar në mësimdhënie akademike, kërkim shkencor dhe të këtë gradën e profesorit të rregullt, të profesorit të asocuar ose të profesorit asistent.

Ndërkaq, Gjyljeta Mushkolaj e cila është profesoreshë në Fakultetin Juridik të Universitetit të Prishtinës, nuk përshtatet me një kriter, atë të kërkimeve shkencore.

Meqenëse Universiteti i Prishtinës ka dy platforma në të cilat njihet puna akademike e stafit akademik, siq është Scoopus dhe Web of Science, e njëjta nuk ka asnjë kërkim shkencor të regjistruar në platformë.

Të paktën kështu vërtetohet nga kërkimet e Gazetës Arbëria.

Në anën tjetër, Faton Berisha i cili është prorektor për personel akademik, integritet dhe botime poashtu profesor i rregullt në Fakultetin e Shkencave Matematike-Natyrore në UP ,përkundër faktit që ka dy mandate si prorektor për shkenc i njëjti numëron vetëm 7 punime dhe 4 citime në Scoopus.

Ani pse ai kishte dorë në avancimet e stafit akdemik në Universitetin e Prishtinës.

Në listë poashtu është edhe profesori But Dedaj i cili ligjëron në Fakultetin Ekonomik të UP-së.

Dedaj ka 9 punime dhe 120 citime në platformen Scoopus.

Dy kandidatët me më së shumti citime

Kandidati me më së shumti punime është Sefer Avdiaj është aktualisht prorektor për kërkime, projekte, inovacion dhe informacion.

Avdiaj është edhe profesor i rregullt në Fakultetin e Shkencave Matematike-Natyrore në UP, në departamentin e Fizikës. Ai numëron gjithsej 16 punime shkencore dhe plot 133 citime në platformën Scoopus.

Kurse kandidati i dytë me më së shumti citime dhe punime është Isak Shabani, I njëjti është dekan në Fakultetin e Inxhinierisë Elektrike dhe Kompjuterike në UP. Gjithashtu, së fundmi është zgjedhur për një mandat tjetër të dekanit në këtë Fakultet.

Shabani ka 15 punime të renditura në Scoopus dhe plot 89 citime.

Tabela për kandidatët me të dhëna nga Scoopus:

Konkursi për rektor është mbyllur para 9 ditëve./ ArbëriaTV