Pishina e Gërmisë pritet të hapet në qershor

Stina e verës po afron, ndërsa për qytetarët e kryeqytetit, Pishina e Gërmisë mbetet një vend sa afër aq edhe më lirë për të kaluar ndonjë ditë freskimi. Ajo pritet të hapet në muajin qershor, ndonëse varet edhe nga kushtet e motit.

Qershori po afron dhe si çdo vit tjetër edhe sivjet pritet të bëhet hapja e pishinës së kryeqytetit. Gjatë verës, Pishina e Gërmisë është një ndër vendet më të frekuentuara nga qytetarët.

Nga ndërmarrja menaxhuese e kësaj pishine ka thënë se përgatitjet kanë filluar, madje kanë shtuar se kjo sezonë do ketë edhe risi.

“Pishina e Gërmisë pritet të hapet në muajin qershor, datë të saktë për të cilën nuk ka ende”, kanë deklaruar nga kompania.

Por qytetarët deklarojnë se nuk kanë parë të jetë kryer ndonjë përgatitje për hapjen e pishinës.

‘’Qenka zbrazët nuk po shoh që kanë bërë ndonjë parapërgatitje për me filluar sezonën, gjendja siç po shihet i zbrazët ambient pak i zymtë’’, deklaroi Muhedin Haxhiu, një qytetar që frekuentonte parkun e “Gërmisë”

Vitin e kaluar, Pishina e Gërmisë kishte 18.600 vizitorë. Hyrja për fëmijë ishte 2 euro, kurse për të rritur 4 euro./RTK