Petrit Halilaj zgjedhet anëtar i ri i Akademisë së Artit Botëror në Gjermani

Petrit Halilaj është zgjedhur anëtar i ri i Akademisë së Artit Botëror në Gjermani, përcjell Gazeta Demos

Lajmi u bë i ditur nga ambasadori i Republikës së Kosovës në Gjermani Faruk Ajeti, i cili e ka quajtur të jashtëzakonshme arritjen e Halilit, në Akademinë e Artit Botëror.

“Kjo është një arritje e jashtëzakonshme dhe rruga e tij artistike është një frymëzim i madh për të  gjithë. I jashtëzakonshëm» është atributi që më së shumti i shkon për shtati Petritit, jo vetëm si njeri, por edhe artin që ai përfaqëson”, shkroi Ajeti në Facebook.

Postimi i plotë i tij:

Çfarë lajmi i mrekullueshëm! Artisti ynë Petrit Halilaj është zgjedhur anëtar i ri i Akademisë së Artit Botëror në Köln Akademie der Künste der Ëelt. Kjo është një arritje e jashtëzakonshme dhe rruga e tij artistike është një frymëzim i madh për të gjithë. «I jashtëzakonshëm» është atributi që më së shumti i shkon për shtati Petritit, jo vetëm si njeri, por edhe artin që ai përfaqëson.

Falë kreativitetit dhe talentit të shkëlqyeshëm, Petriti me punën e tij nuk është duke prezantuar vetëm kulturën tonë shqiptare, por edhe duke e vendosur emrin e Republikës tonë në qendër të botës së artit, veprat e të cilit janë prezantuar në festivalet dhe galeritë më prestigjioze në botë! Si anëtar i ri i akademisë, Petriti do të jetë pjesë e një institucioni me renome globale, artistësh, shkencëtarësh dhe njohës të kulturës. Suksesi i tij i veçantë është i krahasueshëm me shumë talentë tjerë nga vendi ynë i vogël, por që tashmë ka traditë të nxjerr talentë të mëdhenj – nga Kosterrci i Skenderajit në majat e kulturës botërore. Bravo Petrit! /GazetaDemos/