Pesë raste të dhunës në familje brenda 24 orëve të fundit në Kosovë

Gjatë 24 orëve të fundit në Kosovë janë raportuar pesë raste të dhunës në familje në tërë Kosovën, shkruan GazetaDemos.

Njëri rast i dhunë në familje ka ndodhur në Fushë-Kosovë, ku është arrestuar një përson pasi kishte sulmuar një grua.

“Fushë Kosovë / 01-31.08.2023. Është arrestuar i dyshuari kosovar për shkak se kishte sulmuar fizikisht viktimën femër kosovare. Në konsultim me prokurorin pas inicimit të rastit i dyshuari është dërguar në mbajtje”, ka njoftuar policia.

Ndërkaq rasti tjetër i dhunës në familje ka ndodhur në Podujevë dhe një person ka përfunduar nën pranga pasi kishte sulmuar fizikisht gra.

“Podujevë / 26.10.2023 – 11:20. Është arrestuar i dyshuari kosovar, për shkak se kishte sulmuar fizikisht viktimat femra kosovare. Në konsultim me prokurorin pas inicimit të rastit i dyshuari është liruar në procedurë të rregullt”, shkruan në raportin e Policisë së Kosovës.

Rasti tjetër i dhunës në familje sipas Policisë së Kosovës ka ndodhur në Lipjan ku është prangosur i dydhuari pasi ushtroi dhunë psikike ndaj një gruas.

“Lipjan / 26.10.2023 – 17:55. Është arrestuar i dyshuari kosovar, pasi që ka ushtruar dhunë fizike dhe psikike ndaj viktimës femër kosovare. Nuk raportohet për lëndime. Me vendim të prokurorit i dyshuari është liruar dhe rasti shkon në procedurë të rregullt”, njofton policia.

Një rast tjetër i dhunës në familje është në Gjakovë pasi një grua është deklaruar se është kanosur nga i dyshuari dhe i njëjti ndodhet në arrati.

“Gjakovë / 23.10.2023 – 18:00. Më 26.10.2023 ankuesja kosovare, ka deklaruar se është kanosur nga i dyshuari mashkull kosovar. I dyshuari ndodhet në arrati. Rasti në procedurë hetimore”, konstaton raporti i policisë.

Rasti tjeter i dhunës në familje ka ndodhur në Skenderaj, arrestohet një person ka sulmuar fizikisht një femër, viktima ka pranuar tretman mjekësor, përderisa i arrestuari lirohet në procedurë të rregullt.

“Skenderaj / 21.10.2023 – 09:00. Është arrestuar i dyshuari kosovar, pasi që ka sulmuar fizikisht viktimën femër kosovare. Viktima ka pranuar tretmanin mjekësor. Me vendim të prokurorit i dyshuari është liruar dhe rasti shkon në procedurë të rregullt”, shkruan në raportin 24-orësh të Policisë së Kosovës./GazetaDemos/