Përparim Rama në “Veternik” prezanton shumë projektet e realizuara: QKMF, Rruga A, Rruga B, Parku i Madh – edhe katër vjet bashkë

Kryetari i Prishtinës, Përparim Rama, ka vazhduar me fushatën në “Veternik”.

Në një pritje masive, Rama ka prezantuar projektet e realizuara në këtë lagje.

I pari i kryeqytetit ka përmendur rrugën A, rrugën B, QKMF-në e shumë projekte të tjera.

“Përshëndetje, sonte jam këtu me banorët e Veternikut. Folëm nga afër me ta për punët e kryera, për investimet 4-vjeçare, për QKMF, për 70 mijë shërbime, për rrugë e infrastrukturë, Rruga A, Rruga B, shkolla, Parkun e Madh, e një numër shumë të madh të projekteve”, tha Rama.

Ai u shpreh optimist për triumfin në zgjedhje dhe mandatin e dytë.

“Edhe 4 vitet e ardhshme me qenë së bashku. Hajde Prishtina”, tha Përparim Rama.