Përmytjet në Teksas, ende po vazhdojnë kërkimet për disa persona

Kërkimet ende janë duke vazhduar sot për dy grupe me vajza që ishin në një kamp në Teksas, pasi përmbytjet e menjëhershme në zonë vranë të paktën 24 persona në fillim të fundjavës së Ditës së Pavarësisë së ShBA-së dhe nxitën shpëtimin e qindra të tjerëve.

Autoritetet thanë se ujërat e përmbytjeve të shtunën po tërhiqeshin në zonën përreth lumit Guadalupe, rreth 137 kilometra në veriperëndim të San Antonios, ku u shpëtuan të paktën 237 persona, me më shumë se 100 të shpëtuar nga helikopterët.

23 deri në 25 persona të tjerë nga kampi veror “Camp Mystic” janë ende të zhdukur, shumica e të cilëve raportohet të jenë vajza të reja. Ujërat e lumit u rritën me shpejtësi 29 metra pranë kampit.

Shërbimi Kombëtar i Motit i ShBA-së tha se emergjenca e përmbytjeve të menjëhershme ka përfunduar kryesisht për pjesë të Qarkut Kerr në Texas Hill Country, rreth 105 kilometra në veriperëndim të San Antonios, pas stuhive që sollën deri në 30 centimetra shi herët të premten.

Megjithatë, një paralajmërim për përmbytje mbetet në fuqi deri në orën 7 të mbrëmjes të së shtunës nga rajoni San Antonio-Austin, Teksas, me shira të shpërndarë që priten gjatë gjithë ditës, tha Allison Santorelli, një meteorologe në Qendrën e Parashikimit të Motit NWS në College Park, Maryland.

“Sa i përket lumit Guadalupe, ujërat ekstreme të përmbytjeve janë tërhequr,” tha ajo. “Nuk është më faza ekstreme e përmbytjeve. Dhe nuk presim ndikime shtesë”.

Presidenti amerikan Donald Trump tha të premten se “ne do të kujdesemi për ta”, kur u pyet për ndihmat federale për katastrofën.

Zyrtarët e menaxhimit të emergjencave shtetërore kishin paralajmëruar që të enjten se Teksasi perëndimor dhe qendror do të përballej me shira të rrëmbyeshëm dhe kërcënime për përmbytje të menjëhershme “gjatë dy ditëve të ardhshme”, shkruan Reuters.