Përkujtohen dëshmorët e kombit në Gllogjan, Irzniq dhe Dubravë

Sot, me nderim dhe respekt, u përkujtuan disa nga heronjtë e rënë për lirinë e Kosovës, të cilët dhanë jetën për idealin e çlirimit kombëtar, raporton Demos.

Në Gllogjan, u bë homazh për Heroin e Kosovës, Arton Mehmetaj, luftëtar i UÇK-së, i cili dha jetën për atdheun, dhe për Halit Coka, një luftëtar i palodhur që nuk kurseu asgjë për lirinë e Kosovës.

Në Irzniq, u mbajt një ceremoni përkujtimore për Mustafë Çekajn, i cili ra heroikisht në mbrojtje të kombit.

Ndërsa në Dubravë, u nderua Naim Turkaj, i vrarë nga forcat serbe në vitin 1992, duke lënë pas një trashëgimi heroizmi dhe sakrifice.

Njoftimi i plotë:

-Sot, së bashku me shumë bashkëluftëtarë, kujtuam me respekt dhe nderim heronjtë tanë të rënë për liri. Në këtë ditë të veçantë, përkujtuam luftëtarin e UÇK-së, tashmë Hero i Kosovës, Arton Mehmetaj nga Gllogjani, i cili dha jetën për atdheun.
-Po ashtu, me krenari përkujtuam Dëshmorin e Kombit, Halit Cokën nga Kukësi, i cili deri në ditën e rënies ishte kudo ku e kërkonte nevoja, duke luftuar me guxim për lirinë e Kosovës.
-Në Irzniq, pranë bashkëluftëtarëve, kujtuam edhe Dëshmorin e Kombit, Mustafë Çekaj, duke u përulur me respekt para sakrificës së tij.
-Ndërsa në Dubravë, nderuam Dëshmorin Naim Turkaj, i vrarë nga forcat serbe në vitin 1992.
Lavdi dhe nderim i përjetshëm për ta dhe për të gjithë dëshmorët e kombit!🇦🇱🇦🇱