Përfundon bastisja nga Specialja në banesën e ish-këshilltarit të Thaçit, Adil Behramajt

Ka përfunduar tashmë bastisja e Ekipeve Speciale në banesën e ish-këshilltarit të ish-presidentit Thaçi, Adil Behramaj.

Këtë e konfirmoi para pak çastesh në një prononcim për media, avokati i tij, Artan Qerkini.

“Sot me urdhër të gjyqtarit të procedurës paraprake të Dhomave të Specializuara është bastisur banesa e zotit Adil Behramaj në lidhje me një pretendim të Prokurorisë së Specilalizuar për një vepër penale e cila sipas tyre është brenda juridiksionit të Dhomave të Specializuara. Mbrojtja e ka parë vendimin, e ka bërë një vlerësim fillestar të tij. Mendojmë se ky vendim në disa pika është i përfshirë në shkelje kushtetuese mirëpo ne këto çështje do t’i adresojmë në momentin e duhur procedural”, ka thënë Qerkini.