Përfshihet nga zjarri një banesë te Mati 1 në Prishtinë

Një banesë është përfshirë nga zjarri para pak minutash në lagjen Mati 1, shkruan GazetaDemos.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila bëri të ditur se nga ky incident nuk ka persona të lënduar.

“Sot rreth orës 17:00, kemi pranuar informatën për një incident zjarri në lagjen Mati 1, në Prishtinë, ku nga zjarri është përfshirë një banesë. Në vendngjarje kanë dalë zjarrfiksit dhe policia të cilët po merren me rastin. Nuk është raportuar për ndonjë person të lënduar”, potencoi ajo për Demos.