Përfshihet nga zjarri një banesë në lagjen Dardania, në Prishtinë

Një banesë është përfshirë nga zjarri në lagjen Dardani në Prishtinë.

Në vendin e ngjarjes shihet të kenë arritur zjarrfikësit për ta lokalizuar zjarrin. Deri tani nuk dihet nëse ka persona të lënduar.

Gazeta Demos ta kontaktuar Policinë e Kosovës për të marrë më shumë informacione rreth rastit, por nuk kanë kthyer përgjigje.

Lidhur me rastin detaje për Klankosova.tv ka dhënë Malë Gashi, komandant i zjarrfikësve në Prishtinë.

Gashi tha se zjarri ka ndodhur në një bodrum, i cili ishte adaptuar si banesë.

Ai tha se nuk ka të lënduar nga ky rast.

“Një batanije ishte kapluar nga zjarri. Në korridorin e një banese, në fakt të një bodrumi e cila është shndërruar në banesë ka ndodhur rasti. Ishte shkaktuar zjarr e tym, e kjo shkaktoi panik tek banorët aty. Nuk ka të lënduar nga ky rast”, tha Gashi.

Më poshtë gjeni një video të siguruar nga Gazeta Sinjali.