Përditësohen vlerat e skuadrave të Superligës në Transfermarkt, Drita ekipi më i vlefshëm

Gjatë ditës së sotme janë përditesuar të dhënat e fundit nga faqja e specializuar për vlerësimin e klubeve dhe futbollistëve Transfermarkt.

Një përditësim i tillë ka ndodhur edhe me skuadrat e Superligës së Kosovës, shkruan Arbresh.info.

Kampionia në fuqi e Superligës për sezonit që lamë pas Drita, vazhdon akoma të mbetet skuadra më e vlefshme në Superligë, ku vlera totale e ekipit arrin në 7.50 milionë euro.

Pozita e dytë i takon Ballkanit të Suharekës me vlerë totale prej 6.25 milionë euro, derisa vendi i tretë është për skuadrën më të trofeshme në histori të Kosovës, Prishtinën, ku vlera e skuadrës ka shkuar në 5.68 milionë euro në fund të këtij viti.

Pas kryeqytetasve vjen Gjilani me 5.39 milionë euro, kurse në vendin e pestë ndodhet Malisheva me 5.20 milionë euro.

Ndërkohë, Llapi i Tahir Batatinës është në pozitën e gjashtë me vlerë prej 4.85 milionë.

Drenica ka pasur një ngritje të vlerës së skuadrës në Transfermarkt, ku tashmë klubi nga Skenderaj kap shifrën e 3.75 milionë.

Ndërkohë, befasia e kampionatit për stinorin vjeshtor Dukagjinin është i teti me 3.33 milionë, vlerë të skuadrës.

Katër milionë më pak vlen skuadra e Ferizajt, që ndodhet në pozitën e nëntë.

Derisa radhitjen e mbyll Prishtina e Re, e cila ka pasur një rritje në vlerën e skuadrës. Ekipi i inkuadruar këtë vit në Superligë tashmë posedon 2.67 milionë euro vlerë.

Në total sipas Trasnfermarkt, të gjitha ekipet e Superligës kanë një vlerë të përbashkët totale rreth 47.89 milionë euro