Për dy javë Ambasada e Gjermanisë në Kosovë pranoi mbi 8 mijë kërkesa për viza pune

Ambasada e Gjermanisë në Kosovë, për vetëm dy javë ka pranuar mbi tetë (8) mijë kërkesa për të punuar në Gjermani.

Gazetari shqiptar në Gjermani, Bahri Cani, përmes rrjetit social Facebook, plotësimi i termineve për 2025-ën, tregon interesimin e madh të qytetarëve të Kosovës për t’ia mësyrë Gjermanisë.

Sipas rregullave, punëdhënësi duhet të kërkojë një parapelqim në Agjencinë për Punë – pasi ta marrë këtë parapelqim, sëbashku me kontratën për punë ia dërgon personit në Kosovë të interesuar për të punuar në Gjermani.

Pastaj, me parapelqimin dhe kontratën, aplikuesi shkon në ambasdë dhe kërkon termin për vizë pune, pret disa ditë, dhe e merr terminin.

Në total, për të gjitha gjashtë vendet e Ballkanit Perëndimor janë parashikuar 50 mijë viza pune për vitin 2025, por secili shtet ka kuotën e vet.

Për Kosovën, kjo kuotë tashmë është plotësuar, duke e bërë të pamundur aplikimin e mëtejshëm për vitin e ardhshëm.