Pejë: Përfshihet nga zjarri trafoja në një parking, Policia jep detaje

Një trafo në rrugën “Eliot Engëll” në Pejë në një parking prapa ndërtesës “Metro Bajraktari”, është përfshirë nga zjarri mesditën e sotme.

Kështu ka konfirmuar për lajmi.net zëdhënësi i Policisë së Kosovës për rajonin e Pejës, Fadil Gashi.

“Sot rreth orës 12:10 minuta policia është njoftuar se në rrugën Eliot Engëll në Pejë në  një parking prapa ndërtesës  Metro Bajraktari zjarri e kishte kapluar një trafo”, ka thënë Gashi.

Gashi ka bërë të ditur se përveç dëmeve materiale nuk ka të lënduar, ndërsa në vend ngjarje kanë dal policia, zjarrfikësit dhe eksperti i zjarrit.

“Në vend të ngjarjes kanë dal policia zjarrfikësit, eksperti i zjarrit, dëmet janë të konsiderueshme nuk ka të lënduar, rasti po hetohet”, ka thënë Gashi.