PDK merr pjesë në takimin e Këshillit të Aleancës së Liberalëve dhe Demokratëve të Evropës

Partia Demokratike e Kosovës po merr pjesë në takimin e Këshillit të Aleancës së Liberalëve dhe Demokratëve të Evropës – ALDE, shkruan Gazeta Demos.

Në këtë takim nga PDK-ja, po marrin pjesë Sekretarja e Përgjithshme e Partisë Demokratike të Kosovës, Vlora Çitaku dhe Sekretari për Marrëdhënie Ndërkombëtare, Bernard Nikaj.

Në takimin e ALDE po diskutohet për lidershipin e ardhshëm të institucioneve të Bashkimit Evropoan, me fokus pozitën e Kryeministres Kaja Kallas, e cila pritet të jetë Përfaqësuese e Lartë për politikë të jashtme të BE-së.

“Sekretarja e Përgjithshme e Partisë Demokratike të Kosovës, Vlora Çitaku dhe Sekretari për Marrëdhënie Ndërkombëtare, Bernard Nikaj, po marrin pjesë në takimin e Këshillit të ALDE që po mbahet këtë fundjavë në Vilnius të Lithuanisë.

Dy javë pas zgjedhjeve për Parlamentin Evropian, partitë anëtare të Aleancës së Liberalëve dhe Demokratëve të Evropës (ALDE), po diskutojnë për lidershipin e ardhshëm të institucioneve të Bashkimit Evropoan, me fokus të veçantë për pozitën e Kryeministres Kaja Kallas, e cila pritet të jetë Përfaqësuese e Lartë për politikë të jashtme të BE-së.

Gjithashtu, delegatët e Këshillit të ALDE kanë mirëpritur edhe vendimin për emerimin e Mark Rutte në krye të NATO-s. Të dy këta vijnë nga familja politike e ALDE.

Gjatë qëndrimit në Vilnius, delegacioni i PDK-së ka zhvilluar takime me lidershipin e ALDE dhe partive anëtare për të siguruar mbështetjen e vazhdueshme për rrugën evropiane të Kosovës, me fokus të veçantë në Këshillin e Evropës dhe statusin kandidat në BE.

PDK është anëtare me të drejta të plota në ALDE”, ka njoftuar PDK-ja./GazetaDemos/